وراكم وراكم وين ما رحتو وراكم !

(قصة حقيقية برؤيا خيالية)

في واحد كان يمشي وكان واحد يمشي وراه ما يتركه ابدا .. وين ما يروح وهو وراه .. اخونا ماقادر ابدا يتخلص من ملاحقته في الشارع وراه .. في المكتب وراه .. وحتى في الحمام وراه .. وراه وراه في كل مكان !! ليل نهار .. صبح عصر وهو وراه ! .. ومن كثر ما تعقد صاحبنا منه قرر ان يؤلف كتاب عن تجربته هذي والعقدة اللي وراه .. وسمى الكتاب .. وراكم وراكم وين ما رحتو وراكم ! .. يحكي فيه عن اللي وراه وما قاد يفتك منه ! .. رغم انه مرة حاول يذبحه .. بس خاف لا يمسكوه الشرطة .. والمشكلة انه وراه حتى لو مشى وراح بعيد .. او وقف مكانه .. او ركض يحصله وراه .. (يتبع)



- عندنا للبيع اراضي بالقطعة وبالجملة بملكيات وصكوك مزورة وادعاءات مزيفة في كل الولايات وبكل المساحات من ٦٠٠ متر مربع وحتى ٣٢ كيلومتر مربع ! .. كما يوجد ايضا عمارات بلا مواقف ومنازل بلا مجاري .
- عندنا نوبه عطور وحل عود كما نفطنا الخام بدرجة ٣٤ أيه بيه أي .. ما تخوز ريحته ابدا حتى لوسبحت بديتول .. وعندنا بخور مع لبان وحصى خلطة ماركة ملك البلبل المجنون وعش الغراب وارد ماليزيا وقرقيزيا وبريطينزيا ومثل ما يعجبك .. بس انت أمر وتدلل .
- نوبة عندنا مصار حرير وصوف وترمه تقدر تدخلها من خاتم قطره ٣ مليميتر ، بالاضافة لشالات وعوقدي وارد كشمير زندا اباد .. امريكا موردا اباد .
- ومتوفر لدينا عسل دبي اصفر وعوال وقاشع وطباق مملح وصل جراجير يصلح ورنيش للسيارات وزيت للمحركات .
- ووصل حديثا آخر حل لازمة الغذاء وارتفاع الاسعار .. عيش بسمتي صناعة يابانية ماركة بسمتيوكوياما وباسعار في متناول الجميع .
للراغبين يرجى الاتصال على الخاص لتلبية رغباتكم .. جيوبكم مبتغانا .. سارعوا قبل نفاذ الكميات .